Бо хүн бисте улуг байырлал. Бистиң бажыңывыста каас-шиник ёлка. Ёлка бодунуң чырыткыланчак шимелделери-биле шуптувусту ырлаар, танцылаар, ону долгандыр хөглексээр кылдыр чырып турар. Ёлканың чуксумаар чыдынга калбак аргаларның соок агаары сагышка кирер, а ооң аныяк будуктарында дизе аскылап каан чырыткыланчак сылдыстарындан сагыш-
сеткил чылып, өөрүп келир.
Уруглар Чаа чылда каас-чараш костюмнерлиг турарлар. Мурнувуста чаа чылдың хөглүг дыштанылгалары. Бистиң уругларывыс ол хүннерде кайы хире солун чүүлдерни манавас дээр боор! Бистиң улуг Төрээн чуртувус бичии хамаатылары — школачылар боттарының дыштанылгазын эки эрттирзин дээш сагыш салып турар. Театрларга, культура бажыңнарынга,
клубтарга, улуг хоорайларның шөлдеринге байырлалдың ёлказының оду чырыткыланыр.Чаа чылдың Соок-Ирейлери уругларга бүгү чоннуң мурнундан байыр чедирип, оларга белектерни тыпсырлар.
Тываның школачылары өөредилге чылының ийи дугаар чартыында ам-даа чедиишкинниг өөренир дээш, дыштанылга хүннеринде культурлуг дыштаныр ужурлуг. Чаа чылдың дыштанылгазын хөглүг болгаш дузалыг кылдыр эрттирээлиңер.