Тевежи Михаил Дончун.
Дайынче аъттанырының мурнуу чарыында «далайга дамды дуза» дээш, Михаил Дончун ийи аъдын белек комиссиязынга чедирип берген. Совет хоорай-суурларны дайзындан хостаары дээрге-ле, бодунуң Тес-Хеминде Кызыл-Чыраа сумузунда өскен-төрээн хензиг булуңу Барыын-Нарынның амыр-тайбың амыдыралы дээш тулчуру-дур деп кончуг шын медереп билип турган. Михаил Дончун эки турачы өөрү-биле фронтуже 1943 чылдың күзүнүнде аъттанырда, 21 харлыг хып дээн чалыы эр турган.
Михаил Дончун – ховар мергежилдиң кижизи чораан. Ол дайындан ээп келгеш, теве мал малдап чораан. Бо ажылга Михаил Дончун барык чээрби ийи чыл ажылдаан, ол үениң иштинде төрээн совхозунга 506 бодаганны өстүрүп берген.
Михаил Дончун эрес-маадырлыг чоруу дээш, Ада-чурттуң дайыны орденниң I, II-ги чергелери-биле база ТАР-нын Күш-ажыл ордени-биле шаңнаткан турган.
— Эки турачы аъттыг эскадрон. – Михаил Сундуй. – Тываның ном үндүрер чери. — Кызыл – 1989. – 124-125-ки арыннар.