Тыва Республиканың Национал архиви тускай шериг операциязының киржикчилерин деткиири-биле оларның документилерин хумагалаар фондузун тургузуп турар.
Тыва Республиканың Национал архивинде тускай шериг операциязының киржикчилерин деткиириниң талазы-биле ажылдарны чорудуп турар. 2024 чылда Национал архив биле “Культурлуг төөгүнүң кадагалакчылары” деп Автономнуг коммерция чок төлевилел “СВОи Герои” (“Бистиң маадырларывыс”) деп дөзевилелди тургускаш, Президентиниң деткимчезин – грантызын ойнап алганнар.
“СВОи Герои” (“Бистиң маадырларывыс”) деп дөзевилелдиң кол сорулгазы — тускай шериг операциязының киржикчилериниң документилерин, оларның чуруктарын база төрээн улузунуң сактыышкыннарын хумагалаар фондузун тургузары.
Ол фондуже дужаар ужурлуг документилерниң даңзының чижээ:
- Хууда документилери: херечилели, шынзылгазы, өөредилге аттестады база диплому, хүндүлел бижиктери, шаңналдары, военный биледи база өске-даа документилери;
- База бир документилери: профессионал ажыл-агайының, уран-чуул база эртем-билиг талазы-биле чедишкиннери;
- Чуруктары: худаа, өг-бүлези-биле, бөлүк улус-биле (эштери, төрелдери-биле тыртырган чуруктары);
- Янзы-бүрү хемчеглерге тыртырган видеолары.
Тыва “Бистиң маадырларывыстың” төрелдеринге кыйгырыг! ТШО-га мөчээн шериг маадырлавыстың дугайында келир салгалдарга дамчыдар угаан-медерелди арттыраалыңар!
Айыттынган документилерни дараазында адреске эккеп дужаап болур силер: Кызыл хоорай, Кечил-оол кудумчузу, бажың 91, Тыва Республиканың Национал архиви. Тел. 5-64-39.