Ада-өгбезиниң ат-сураглыг төөгүзүнге даянып, ындыг төрелдери чок дээш эжин кочулап, шүгүмчүүлээн ажыы чок.
Чижээлээрге, кайы бирээзиниң ада-иезиниң бай шыдалдыг азы эрге-дужаалдыг чораан төөгүзүнге даяныр: «Мээң ада-ием бай-шыдалдыг чораан», «Мээң кырган-ачам эрге-дужаалдыг чораан» деп сөстер найыралдыг чораан өг-бүлениң найыралын үрээр байдал-дыр.
Херек кырында ада-иезиниң азы ада-өгбелириниң чедиишкинни ышкаш, шак ындыг деңнелдиг чедиишкин ооң бодунда бар бе? Боду чүнү-даа чедип албайн, байыыргап, кончуургап, кончуг кижи болуп көөргеттинери кижисиг болгаш төлептиг эвес чорук-тур.
Амыдырал байдалын шыырак кылдыр боду тургузуп алгаш, оон өг-бүлезин кандыг-даа таладан кайгамчык деңнел-биле хандырып шыдаптар болза, өске айтырыг-дыр. Ынчалза-даа ол база хөлүн эрттир чоргаарланырының ёзулуг чылдагааны эвес-тир.
Кижи бүрүзүнүң салымы дөмейлешпес. А ада-иелериниң күш-шыдалдыг чорааны оларның үүлезиниң чедиишкини-дир. Ажы-төлү чүгле ада-өгбелериниң, ада-иезиниң ук-төөгүлүг үлегеринден ажыктыг чылдагааннарны көрүп өөренип ап болур. Ынчалза-даа оларның чедиишкини дээрге ажы-төлүнүң чедиишкини эвес-тир. Ажы-төлү амыдыралчы чедиишкинин, боттарының назынының иштинде ажы-ижи-биле бүдүрүп, тургузар ужурлуг.
Геше Лобсанг Тхуптен. – ЧЫРЫК ДУЗА — IV. Ог-буле болгаш амыдырал дугайында мерген угаадыглыг чагыг сумелер. – ООО «Тываполиграф». – Кызыл — 2023. – 514-518-ки арыннар.