«Арагага сундугуп болбас
Ажыкка амырап болбас»
Тыва үлегер домак
Үргүлчу арагалаар аппарганнар
Кызыл хоорайда чурттап турар Шавы кадайы Өшкү-саар, Диизеңмаа, Наксылмаа сугларны бо сөөлгү үеде көрүп турарга, даңгаар арагалаар, үргүлчү хоп дажыыр, эш өөрүн куду көөр, кыжырыыр. Оларның ындыг байдалын хережээннерниң калбак хуралынга шүгүмчүлээрге хорадаар, улам өжежип арагалаары дам баар. «Ынчап тургайлар-аан», деп кыжырыыр болгаш оон-даа өске.
Моон ап көөрге, Тываның хережээннериниң тудуп алган эрге шөлээзин хүндүлевес, оларның бурунгаар депшидилгезинге шаптык бооп, ылаңгыя Өшкү-саар аревэ кежигүнү кижи боду-биле баштап алгаш, аш-куу бөрү ышкаш контрреволюстуг Танчайның сала сайгыттары болур бо кадайларны эвиелдеп алгаш, үргүлчү арагалап турары болза, аревэниң хүндүлүг адын бужартадып, харын хуузунуң херээн аревэниң херээнден арттык көрүп, араганың ажыынга менээредир шаптырып алган, аңгы-деп чүвени ылгап билбес, революстуг серемчилел чок, аңгының идегеттеринге ажыгладып турары ол-дур. Бо чүүлдерни чогуур черинден дарый хынап көргеш хемчег алза чогуур боор.
Ылап-билир
Шын солун № 8 (709),
29 хүнү, январь ай, 1938 чыл. Арын 14.
